补记安徽宏村写生

2006 7月1号——7月12号

7月1号：早上9点几上火车，由于5知道旅途时间足足有21个钟，所以之前买飞噶时候买左硬座，上车噶时候，我地话：哦~原来硬座都几舒服吖，感就5换硬卧啦。事实证明，我地系错噶，21个钟硬座系会坐死人加，尤其到左夜晚噶时候，真系有种生不如死噶感觉，训又训5好，到左第日就好似通过宵感，我地虽然通惯宵，但系无端端要通宵，真系心理5平衡。不过好在旅途几愉快，大家响赵达噶教导之下，玩左一个下昼同一个夜晚噶KILLER游戏，一个考推理同心理噶游戏。到左第二日一早，就到达黄山市了。

7月2号：早上6点左右到达黄山市，黄山市又叫屯溪，系一个几靓噶城市来噶，个度没咩人感，可能太早挂，不过天就光得好犀利了。我地出火车站噶时候，已经有两部大巴等住来接我地去宏村了。又坐左一个几钟头车，见到周围全部都系山河景色，空气好正，D山路转来转去，好似坐过山车感，就到左宏村了。

一到步，虽然我地已经预左5会住得好，试问25蚊一日包吃住，点会好。但系情况都太惊吓我地了，个老板娘带我地去体房，原来系一间十人房，15平方5到噶空间，摆左5张碌架床，讲得难听D，连行李都没地方摆噶，因为床同床之间只有一条过道，而且有4张碌架床系两两贴住一起摆噶，大家可能琴晚成晚没训好，所以一见到D感噶情景，即时眼火暴。吵住冲落楼要稳老师，要求换旅店，甚至话早餐都吃5落（我都系其中一分子）。不过后来通过一翻调解，结果系，房可以调，但系就25蚊一个人一晚噶双人房（可以训4个），另外再比20蚊包一日吃噶。个个20蚊一日话包吃噶，我地都进行激烈抗争，不过都不遂左，大家终于屈服响学校同衣间旅店签定噶合同上。一切搞掂，我地全部昏睡左响衣间黑店度。

下昼3点几，老师叫我地集中，话有个导游带我地行一趟宏村，宏村系一个充满徽派建筑噶小水乡，行到边都见到有条小溪贯穿成个小村，听导游话D水八点前可以饮用，8点后可以用来灌溉同洗衫。不过我体书讲其实宏村噶水已经污染得好犀利了，所以已经5可以好似70年代个时感可以用来饮用，不过会用于洗衫同消防，有时仲会有村民用于洗菜同灌溉噶。至于宏村噶水点解污染得感犀利，过几日之后，我就终于知道真相。之后导游仲介绍左徽派建筑噶一D特点，听完之后，我觉得宏村人好迷信，下下讲风水，但系个建筑融合风水之后，又5会影响住噶质量，惊叹个时建筑师考虑周到。

导游讲完也之后，我地迅速进行大扫货，可能广州见得少民族特色噶也，或者就算广州有都贵到晕，响衣度见到D手绳吖，颈链全部1，2，3蚊就有一条，大家好似颠晒感，我都买左好有江南特色噶快板，乐器埙等等。个度噶木雕石雕砖雕都好强，体到我惊叹不已。

7月3号：一早老师带我地去宏村噶一个出名噶景点——南湖写生，响个度见到好多好似我地感样来写生噶人，大多数都系话速写同水粉，好少好似我地感系画水彩噶。南湖噶景色都几靓噶：5太清澈噶湖水，上边有小桥，对岸有好多徽派建筑。听讲话“卧虎藏龙”噶一幕蜻蜓点水都响衣度拍噶。我地上昼画水彩下昼画速写，辛苦感度过一日。响衣度要讲下宏村吃噶个饭菜。似乎个度好缺肉类，所以我地餐餐有一个肉就5错了，其他都系咩瓜吖笋吖，连青菜都少，仲要个度噶人整噶也好咸，落无限甘多酱油同盐，D送体起身深色到咩感，郁闷死了，比左20蚊没理由5吃加。。。。。晚黑体电视又没咩好体，唯有体湖南卫视噶“金枝欲孽”，D演员虽然比人配晒普通话，不过都颇有亲切感，点讲只片头曲系广州话噶。

7月4号：同7月3号差5多感画画咯，夜晚行下夜市，老师每晚都会集中一次，要评下当日画噶图，没咩特别。唯一5同噶系，开始多人病，全部噶症状都系一样噶，先系咳，然后就系发烧，诊断话系上呼吸道感染。搞到要吊针，FISH都病左，距静系体病吊针就用左两旧几水。全班有成十几人病，吓到大家人心惶惶。几日后病毒先渐渐离开我地。

7月5号：今日落雨，我同阿董见落雨画5到画，FISH又病左去吊针，MAY就自然去左同德伦拍拖拖。感就两个跑左去宏村市集，我又扫左一套竹壶同竹杯，同黄山毛峰。行行下见到肥明，话不如去黄山市老街体下。我甘中意玩，当然就马上起程。于是，肥明，阿远，阿董同我就去搭车去黟县，再转车去黄山市，然后搭的去老街。老街系一个充满商业FEEL噶一条街，卖点就系衣条山业街噶建筑系明清时候保留落来噶。响个度我地见到好多墨砚，古玩，奇怪噶石狮子（肥明仲学个度D石狮子噶样）。特别系有一种玩具，好难形容，就系两快磁石类物体，分开两个磁石一抛高当磁石一合埋噶时候就会有响声。 行完街我地去左一间餐馆吃中午饭，叫左D特色菜：臭桂鱼，毛豆腐，三鲜锅巴，竹笋汤，人头饭。80几蚊，都5算便。觉得几SOSO下啦。一味得个咸字，都系广州也好吃。 响老街翻宏村，我地顺带去左宏村附近芦村噶木雕楼，木雕楼系一间石外墙，木雕窗噶建筑，D木雕多到晕，入到去就好似见到一个个蜂窝巢感，几惊吓下。最惊吓噶系木雕上边噶凡系雕人噶，上边噶人头都会没左，要乜就系五观比人刮晒。除非雕噶个个人象系农民。听讲系文革个时噶杰作。芦村少游人，相信系开发左5系好耐，所以个度水清人少，没咩商业噶也，淳朴就系我对芦村噶印象。

7月6号——7月7号：天气好，所以就继续努力画画啦。衣度要讲下我之前点解话宏村噶水污染甘严重，真系5系没原因噶。FISH话距有一次画水彩，于是就跑左去厕所拿水，点知个个管理员话，拿水得，比钱啦，FISH好无奈感去湖度捞水画，画完之后捻住去厕所倒水，点知个管理员话，你米来衣度倒，要倒你倒去条河度或者倒去D庄稼度，FISH为左做一个有素质噶大学生，努力抗争，就连等厕所用噶人都话：个厕所甘污糟，就比距倒水冲下啦。个管理员坚决5比，最后FISH好无奈感倒去庄稼。我当时听完暗暗闹左一句，体来水污染，根本系宏村某D人噶素质问题。当然游客都要负责噶。7月8号：又落雨，于是我，董同距细佬，FISH，德伦，MAY，肥明，一齐跑左去西递，同宏村一样，都系世界文化遗产。但系就商业化得好犀利，唯一特色系个度好多都系做官噶人住噶，所以D住宅5单止大得多，下下衣间大少奶住，个间2少奶住，而且仲有小园林景响屋里面，系几别致噶，不过我5中意西递噶商业化。之后我地爬左上西递噶山上D风景亭体西递全景，豁然开朗，觉得都几靓下噶。

7月9号：画画ING，衣度要提下间黑店，每日只比开8个钟空调，虽然个度系比较凉，但系有时中午好热，个老板娘又5响度，没办法开。个个老板娘真系缩水到晕，当我地水鱼感屈。到左我地走个日，甚至吵左起身。7月10号：上黄山，黄山好靓，值得再去体一次，而且应该趁后生去，因为上黄山真系好辛苦。沿途我地一到一个景点就跑去听下人地噶导游介绍，5明噶又问下导游，怪石奇松系我对黄山噶印象，沿途险象横生，真系一个5觉意就要同广州SAY BYE BYE了。仲有要注意噶系，如果系自助游一定要带吃噶也上黄山，黄山噶也真系好贵。一条黄瓜，一个番茄，一个拳头大噶肉粽（手指MAY甘大噶肉），通通3蚊一件；自带杯面加水5蚊；蛋炒饭20蚊。个度噶也虽然贵，但系你都5可以怪距噶，个D挑夫由山脚挑衣D也上来，确实系好辛苦噶。

7月11号：老师收画。统一评画，写生结束。大部分噶同学都留低响宏村话迟D走，有D准备上黄山，有D响宏村附近玩。而我，FISH，宁洁，赵达，刘志纬本来打算继续去上海玩（上海衣个地点经过好耐先定噶，先系话去扬州，后来话南京，再后来去杭州，最后先话上海，中间考虑左好多问题），但系听讲上海翻广州噶火车票最早都18号先有，5日留响上海，没两千蚊都不用活了。所以FISH毅然要马上走。我犹豫左好耐，捻自己上年先去过，下学期一开学马上又去，所以都没去，宁洁又比屋企人多方压力，都没去，赵达好失望，真系好对5住距，要距跑来跑去。但系18号噶火车票都买左了，惟有退票。赔左80蚊。 下昼同FISH同董又入村作最后一次扫货。翻黑店冲凉吃饭，同老板娘作最后一次吵架，大吵，因为比距屈我地整坏距个空调，5肯腿房噶押金比我地，又话我地中午12点前没CHECK OUT，要收多一日噶房钱（但系系距自己同意比我地留到晚上11点噶）。等到11点离开宏村，搭凌晨1点几噶火车。 我，FISH，宁洁系临时买票，所以得企票，其他人都系硬座。我就吓到死死下，以为要由黄山企翻广州。好采上车之后同D硬座同学逼埋一齐，而且好快就换到硬卧。换硬卧噶经验真系太惊吓了，大家好似抢感，哎，总之就一言难尽。我地训左5太好噶一觉（因为D人打呼噜），然后跑去硬座，叫几个硬座噶同学过去训下。如此换来换去，等大家都训下。见到大家坐左成晚噶残样，真系觉得好辛苦（可能因为自己来噶时候都经历过挂）。 硬座个边多人，所以好好玩，我觉得可能因为感，觉得翻去噶时间过得好快，好似几下就到广州感了。

7月12号：晚上九点几十点到广州了，望去对面噶一部火车，见到系没空调噶硬座，里面噶男人除晒衫，于是回想自己：我系米太娇了？一路上又话D饭菜5好吃，嫌住得差，坐火车坚决要有卧铺。体来自己一直以为自己熬得，都系错噶。 翻屋企，吃左半只鸡，一大碗饭，开左支啤，叹住空调。。。。。。。

后记:我地翻来广州噶第2日,韶关个D地方就发生水灾,铁路停开,有D逗留左响宏村,上左黄山玩多几日,同埋去左上海噶赵达距地拖到21号左右先翻到广州,我都几庆幸提早翻左来广州~LUCKEY~